CENGEK

Uing maca di internet poe ieu eusina berita Harga Cabe Rawit menembus 50 ribu/kg. Teu butuh waktu lila uing gancang ngahaja hayang ngabuktikeun meuli cengek ka warung Ma Awit jang ngieun sambeleun pencok, maklum da teu jauh ieuh ti imah teh.

Wokeh lanjutnya, sekitar dua menit uing ngagidig leumpang ka warung Ma Awit, langsung bae uing nunjuk cengek nu di karanjangan ku totolonok. Pok uing nyarita ''Ma Awit, sabrang jepunna sarebu...'' ''No no no teu bisa deui Yud, emak keder merena sarebueun mah, dua rebueun bae nyah...?'' ''Nya atuh heug ma'' Terus ceg Ma Awit nyokot kertas koran keur ngabungkus cengek.

Nepi di imah langsung bae bungkusan cengek teh ku uing gancang dibuka... Euleuh euleuuuh (uing olohok kembang kadu) eta bungkusan teh eusina ngan saukur 7 siki cengek!! Teungteuingeun... Luarrr biasa. Internet teh teu bohong. Malah mah kenyataan di warung LEUWIH KEJAM!! Biasana, warung ma Awit langganan uing teh sok mere emboh cengek gratis nu lumayan loba lamun manehna teu boga duit susukan 500 perak tea. Naha ari ayeuna, 2rebu keur nyambel ge asanateh moal lada lada acan

Kumaha kabutuhan pokok nu liana? Teu kudu dituliskeun didieu, nu jelas mah Menteri Perdagangan ngan saukur bisa pok ''Tenang saja harga-harga stabil...'' Heueuh STABIL NAEK jeung MAHALNA, kitu deui SBY bisana ngomong ''Rakyat jangan cemas... yang dinaikan cuma BBM...'' Nya, manehna kan ngan saukur dahar GRATISAN di istana, dilayanan deui.

Romadon can datang. Boboran masih sabulan leuwih keneh. Hayu kencangkan ikat pinggang kita bilih kadodoran ngirit eta koncina, lantaran nu gaduh ikat pinggang mah iwal rahayat. Pejabat jeung presiden mah teu boga matak geura tenjo beteungna BUNCIIIIIIT...