Ngarana si Anu. Si Anu jalmana narsis, hiper aktif, cerewet, berisik, teu bisa cicing matak palaku puciiiing komo mun aya nu muji ngomong geulis langsung weee karasa deui narsisna :-D
Si Anu teu kaop nempo hp nu aya kameraan, alus saeutik langsung minjeum hp keur selfie dimana bae tempatna rek di tempat sepi atawa ditempat rame ge moal aya erana.
Selfiena oge teu cukup sakali tapi unlimitid nepikeun fotona loba ku rupa-rupa gaya manehna. Dahar di warung jepret bari nu nempo hasil potona mah teu apal keur selfi dimana, nongkrong di gawir kitu deui bae jepret, bari jeung gawirna mah teu kapoto-poto acan, komo mun keur ngariung jeung pada baturna langsuuuuung jepret, biwir dimenyon-menyon, letah ditelel-telel, huntu digegel-gegelkeun kana biwir, meh geulis cenah mah. Beak oge memori hp uing dipake selfi ku manehna terus-terusan :-P
Hiji waktu basa kuring milu ngumpul ngariung jeung pada baturna, aya salah sahiji diantarana aya nu miboga hp nu merkna tenar aplikasi kamerana versi teranyar, atuh eta mah langsung kumat narsisna selfie beak-beakan jeung pada baturna nepikeun uing mah dipohokeun saking asyikna fofotoan. Ampun deh si Anu :-D Ngan nya da manehna memang siga kitu sanajan berisik tapi asyik. Sanajan teu daek cicing en pala ebi pucing tetep manehna keur ditaksir uing :D
Tidak ada komentar:
Posting Komentar